PariishaN hoke meri khaak aakhir dil na ban jaaye.....

PariishaN hoke meri khaak aakhir dil na ban jaaye.....
Jo mushkil ab hai yaarab phir wahi mushkil na ban jaaye.....

Kabhi chhoDi hui manzil bhi yaad aati hai raahi ko,
Khatak sii hai jo seene me, Gum-e-manzil na ban jaaye.....
...
Na kar deN mujh Ko majboor-e-nawa firdous me hooreN,
Mera soz-e-darooN phir Garmi-e-mehfil na ban jaye......

Banaya ishq ne darya’ay Na-payda_karan mujh Ko,
Ye meri khud nigahdaari mera sahil Na ban jaye.....

KahiN is aalam-e-be-rang-o-buu me bhi talab meri,
Wohi afsana-e-Dunbala-e-Mehmil Na Ban Jaye.....

Urooj-e-aadam-e-Khaki Se anjum sehme jate haiN,
Ke ye toota hua taara mah-e-Kaamil na ban jaye.....

Allaama Iqbaal