Rooh pyaasi kahan se aati hai,

Rooh pyaasi kahan se aati hai,
ye udaasi kahan se aati hai

hai vo ik sar supardagi to bhalaa,
badhawaasi kahan se aati hai,

vo hum aagosh hai, to phir dil men,
naasipaasi kahan se aati hai,

ek zindaan-e-bedili aur shaam,
ye sabaa si kahan se aati hai,

tu hai pehloo men, phir teri khushboo,
ho ke baasi kahan se aati hai,

dil hai shab sokhtaa, siwaay umeed,
tu nidaa si kahan se aati hai,

main hoon tujhmen aur aas hoon teri,
tu niraasi kahan se aati hai,

Jaun Elia