safar manzil e shab yaad nahi

safar manzil e shab yaad nahi
log rukhsat hue kab yaad nahi

awwaleen qurb ki sarshaari mein
kitne armaan thay jo ab yaad nahi
...
dil mein her waqt chubhan rehti thi
thi mujhe kis ki talab yaad nahi

wo sitara thi k shabnam thi k phool
eik surat thi ajab yaad nahi

kaisi weraan hai guzargaah-e-khayal
jab se wo aariz-o-lab yaad nahi

bhoolte jate hain maazi k diyaar
yaad aayen bhi to sab yaad nahi

aisa uljha hoon ghum-e-duniya mein
eik bhi khuwaab tarb yaad nahi

rishta-e-jaan tha kabhi jis ka khayal
us ki surat bhi to ab yaad nahi

ye haqeeqat hai k ehbaab ko hum
yaad hi kab thay jo ab yaad nahi

yaad hai saair-e-chiraaghan Nasir
dil k bujhne ka sabab yaad nahi

Naasir Kaazmi