Tamaam umr ajab imtehaan mein hum thay

Tamaam umr ajab imtehaan mein hum thay
diya thay aur hawa ki amaan mein hum thay

hareef apna na tha koi bhi humare siwa
khud apne rukh pe khud apni kamaan mein hum thay
...
khulay paron k parindon ko tha yehi sadma
k apne band paron se uraan mein hum thay

pare hue kisi thokar ki zad pe thay hi nahi
tamaam umar muqeed chataan mein hum thay

isi liye to na chaha tulu-e-mehar kabhi
jo moom se tha bana us makaan mein hum thay

jo be-basar theen wo aankhen theen mere dushman ki
jo be-libaas tha us jisam-o-jaan mein hum thay

Mohsin Changezi