Teri mehfil mein yeh kasrat kabhi thi,

humaare rang ki sohbat kabhi thi

is aazaadi mein wahshat kabhi thii

mujhe apne se bhi nafrat kabhi thi

humaaraa dil humaaraa dil kabhi thaa

teri soorat teri soorat kabhi thi

huaa insaan ki aankho.n se saabit

ayaa.n kab noor mein julmat kabhi thi

dil e veeraa.n mein baaqi hain ye aasaar,

yahaan ghum thaa, yahaan hasrat kabhi thi

usi hasrat mein ab dil mubtlaa hai

ke jis umeed pe hasrat kabhi thi

tum itraaye ke bas marne lagaa Daagh

banaawaT thi jo wo haalat kabhi thi

Daagh Dahlvi

Shayari Ke Phool