Ufaq per eik aandhi si uthi hai
diye ki law bohat sehmi hui hai
kisi kirdaar k aansoo hain shayad
kahani maiz per bheegi pari hai
...
shikasta khuwab aansoo aur judai
mohabbat mein bari dard-e-sari hai
andheron k hawale kar gaya jo
usi k dam se mujh mein roshni hai
tumhare hukum k hain muntazir sab
mere hamrah meri be-basi hai
abhi tak main nahi samjhi hoon Rahat
k us k baad ye kaisi kami hai
Humaira Raahat
Comments
Post a Comment