uska khayal chashm se, sab khwaab le gaya,

qismien ke ishq jee se, mere taab le gaya,

kin neendon men ab soti hai, ae chshm-e-giriyaa naak,

mizgaan to khol, shehar ko sailaab le gaya,

aave jo mastabe men, to sun lo ki raah se,

waaiz ko ek jaam-e-may-e-naab le gaya,

nedil raha bajaa hai, na sabr-o-hawas-o-hosh,

aaya jo sail-e-ishq, sab asbaab le gaya,

mere huzoor sham`a ne giriyaa jo sar kiya,

roya main is qadar ke, mujhe aab le gaya,

ehwaal us shikaarzabon ka hai jaa-e-rehem,

jis naatwaan ko muft, na qassab le gaya,

moonh ki jhalak se yaar ke behosh ho gaye,

shab ham ko "meer" partaw-e-mahtaab le gaya,

Meer Taqi Meer

Shayari Ke Phool