Yaa.n hosh se bezaar huaa bhi nahi.n jaataa

Yaa.n hosh se bezaar huaa bhi nahi.n jaataa
is bazm mein hoshiyaar huaa bhi nahin jaataa

kahte ho ke waadaa e pursish nahin karte
ye sun ke to beemaar huaa bhi nahin jaataa

dushwaariye inkaar se taalib nahin Darte,
yun sahel ti iqraar huaa bhi nahin jaataa

aate hain ibaadat ko to karte hain naseehat
ahbaab se ghum kHwaar huaa bhi nahin jaataa

jaate hue khaate ho meri jaan ki qasam,
ab jaan se bezaar huaa bhi nahin jaataa

ghum kyaa hai agar manzil e jaanaa.n hai bahut door,
kyaa kHaake dar e yaar huaa bhi nahin jaataa

Dekhaa naa gayaa is se taDapte hue dil ko,
zaalim se jafaa kaar huaa bhi nahin jaataa

ye tarf sitam hai ke sitam bhi hai karam bhi
aur kHoogar e aazaar huaa bhi nahin jaataa

Faani Budaayuni