Ye bhi fareb se hain kuch dard e aashiqui ke

Ye bhi fareb se hain kuch dard e aashiqui ke
hum mar ke kyaa karenge kyaa kar liyaa hai ji ke

mahsoos ho rahe hain baad e fanaa ke jhonke
khulne lage hain mujh par asraar zindagi ke

shar'ha o bayaan e ghum hai ik matlab e muqayyad
kHaamosh ho.n ke ma'ani sad ha hain kHaamoshi ke

baar e alam uThaayaa rang e nishaat dekhaa
aaye nahin hain yun nai andaaz be hisi ke

Asghar GonDvi