Yun Hi Nahi Ye Aag Mere Ghar Lagi Hui

Yun Hi Nahi Ye Aag Mere Ghar Lagi Hui
" Takhti Hai Tere Naam Ki Dar Par Lagi Hui "

Main Thek Se Qadam Nahi Zeenon Pe Rakh Saka
Meri Nigah Thi Kahein Upar Lagi Hui

Kyon Phairti Hai Chaand Ke Baalon Main Ungliyaan
Kis Kaam Par Hai Shaak e Sanobar Lagi Hui

Itne Dhuwein Main Ye Nahi Maloom Ho Raha
Ghar Main Hai Ya Hai Ghar Ke Barabar Lagi Hui

Maine Kia Makaan Main Chirkaao Zehr Ka
Deemak Thi Mere Jism Ke Ander Lagi Hui

Tujh Tak Pohnch Ke Is Liye Aankhein Bhar Aai Hain
Main Bhoolta Nahi Koi Thokar Lagi Hui ..

 Abbaas Taabish