Aye Adam ke beto, main hawwaa ki beTi

Aey Aadam K Beto , Main Hawa Ki Beti
Tumharay Adal Ki Muntazir Hun
...
Mujhe Batao Zameen K Khudaon
Ye Kesi Tumhari Munafqat Hay

Kisi Ko Bakhsha Hay Tum Nay Rutba
Kisi Ko Ruswaiyo Ko Paishaa .

Kisi Ko Maa K Martabath Pay
Bita K Din Raat Poojtay Ho

Kisi Ki Majboorio Ko Tum
Khanaktay Sikko Main Toltay Ho

Kisi Ko Beti Bana K Ghar Main
Sabak Haya Ka Parha Rahay Ho

Kisi K Gongroo Ki Taal Pay Tum
Bazm-E-Shehwath Saja Rahay Ho

Kisi Ko Behen Bana K Us Kay
Badan Ko Chadar Say Dhaanptay Ho

Kisi K Daaman Pay Tum Hawas Ki
Ghaleez Keechar Uchaltay Ho

Kisi Ka Mansab Aali Kar Do
Kisi Ko Gandi Gaali Kar Do

Kisi Ko Ghar Ka Gharoor Kar Do
Kisi Ka Koocha Mashoor Kar Do

Kisi Ka Doli Naseeb Kar Do
Kisi Ka Boli Naseeb Kar Do

Yeh Bay-Hisi Hay K Bay-Basi Hay
Tumhari Ye Kesi Munsafi Hay

Aey Aadam K Beto Jawab Do K
Hawa Ki Beti Ye Pochti Hay

Ye Baat Meri Agar Na Samjho
Ye Shook Apni Hatak Samajhna

Samaj Sako Tou Is Ko Apni
Gherat Pay Aik Dastak Samajhna

 Faaris Mughal