Deed Hairaan Us Gali Me.n Hai

Deed Hairaan Us Gali Me.n Hai

Kya Ajab Shaan Us Gali Me.n Hai

Baat Me.n Jaan Se Guzar Jana

Kitna Aasaan Us Gali Me.n Hai

Aur Ek Baar Mujh Ko Jaaney Do

Saaraa Saamaan Us Gali Me.n Hai

Kia Khabar In Mehal Nasheenon Ko

Apni Jo Aan Us Gali Me.n Hai

Kyaa Bataoon Hai Kya Woh Jaan Gali

Meri To Jaan Us Gali Me.n Hai

Main Kahin Bhi Rahon, Kahin Jaon

Dil Ka Reethan Us Gali Me.n Hai

Wohi Deewar O’ Dar, Woh Mera Ghar

Wohi Daalaan Us Gali Me.n Hai

Main Jo Kafir Hon Us Gali Baher

Mera Emaan Us Gali Me.n Hai

Us Gali Par Hon Jaan Se Qurban

Meri Pehchan Us Gali Me.n Hai

Jaun Elia