jaane kab tak rahe yahi tarteeb

jaane kab tak rahe yahi tarteeb
do sitaare khile qareeb qareeb

chaand ki raushni se usne likhi
mere maathe pe ek baat ajeeb

main humeshaa se uske saamne thi
usne dekhaa nahin, to meraa naseeb

rooh tak jiski aanch aati hai
koun ye sholaa roo hai dil ke qareeb

chaand ke paas kyaa khilaa taaraa
ban gayaa saaraa aasmaan raqeeb

shajar-e-ahl-e-dard kisse mile
shaher mein koun rah gayaa hai najeeb

Parveen Shaakir