Ek naam ki urrti khushboo ek khuwab safar mein rehta hai

Ek naam ki urrti khushboo ek khuwab safar mein rehta hai
ek basti aankhen mlti hai ek shehar nazar mein rehta hai

Kiya ehl e hunar, kiya ehl e shar'f sab tukrre raddi kaghaz k
is daur mein hai wo shakhs bara jo roz khabar mein rehta hai

Pani mein roz bahata hai ek shakhs deye umeedon k
aur aglay din tak phir un k hamrah bhanwar mein rehta hai

Jo pairr pe likhi jati hai, jo geeli rait se banta hai
kon us thehreer ka waris hai? kon aese gher mein rehta hai

Jo shehar katha bhi hai Amjad ek qissa sote jaagte ka
hum dekhen jis kirdar ko bhi jadu k asar mein rehta hai

AMJAD ISLAM AMJAD