Gumaan

ye mumkin to nahi lekin
chalo yunhi zara hum soch kar dekhen
samandar ka kinara ho
saba ne raat k maathe pe chupke se
kisi ka naam likha ho
to uth'ti mauj wo wo ek nam parh k
muskurai ho
humare hath mein wo hath ho
jis ki lakeron mein
koi tara humare nam ka roshan nahi hota
wo ankhen
jin mein jalte arzo k
her deye ki lau mein ek chehra ubharta hai
(kisi khushbakht hasti ka)
wo ankhen sirf ek chehre ko dekhen
aur wo chehra humara ho
ye mumkin to nahi lekin
chalo yunhi zara hum soch kar dekhen
talab ki aarzo
hurf e dua ban kar
humare lab se nikle
aur pori ho
humare daman e dil mein
parre nakamiyon k sare sikke
khankhana uthen
nai dulhan ki jese chhoriyan
dhere se bajti hain
ye mumkin to nahi lekin
chalo yunhi.......




Humairaa Raahat