Ishq ki jot jagane mein bari dair lagi

Ishq ki jot jagane mein bari dair lagi
saye se dhop banane mein bari dair lagi

Main hon is shehar mein takheer se aya hua shakhs
mujh ko ek aur zamane mein bari dair lagi

Ye jo mujh pe kisi apne ka guman hota hai
mujh ko aesa nazar ane mein bari dair lagi

Ek sada aai jharoke se k tum kese ho
phir mujhe laut k jane mein bari dair lagi

Bolta hon to mere hont jhulas jate hain
us ko ye baat batane mein bari dair lagi

Main sar e khak koi pairr nahi tha Tabish
is leye paon jamane mein bari dair lagi

Abbaas Taabish