jab koi mere madd-e-muqabil nahi raha

jab koi mere madd-e-muqabil nahi raha
mujh ko laga main jeenay k qabil nahi raha

pehlay pehal to chaand mein dekha kiya tujhay
is kaifiyat mein ab tera bay-dil nahi raha

lehron se guftugu mein hua mehav is qadar
mujh ko khayal doori-e-saahil nahi raha

aay yaar aanso'on ki badaulat meray leye
teray baghair jeena bhi mushkil nahi raha

ab haath ki lakeeron mein kiya dhoondta hoon main
main to kabhi naseeb ka qa'il nahi raha

ab meri zindagi k taqazay badal gaye
ab to meri hayat ka haasil nahi raha

Taimoor ishq bhi kiya, duniya k kaam bhi
main to kisi bhi farz se ghafil nahi raha

Taimoor Hassan