khamoshi itni rahi hai mujh mein

khamoshi itni rahi hai mujh mein
guftugu doob gai hai mujh mein

eik bas tum hi naye aaye ho
aur sab kuch to wohi hai mujh mein

door tak duniya nazar aanay lagi
aesi deewar giri hai mujh mein

main mehakta hoon teri khushbu se
khud ko tu bhool gai hai mujh mein

kitna shaffaf tha manzar mera
kis qadar dhool urri hai mujh mein

zindagi raqs kabhi karti thi
ab to chup chaap parri hai mujh mein

meri takmeel to hojaye Shanas
eik manzar ki kami hai mujh mein

Faheem Shanas