Khushbu tha badan se tang tha main

Khushbu tha badan se tang tha main
jab shola'e rang rang tha main

Saaye pe parra hua tha saaya
tabeer pe apni dang tha main

Main apni daleel laane wala
haara to ajab tarang tha main

Tum ne mujhe us tarah na jana
jo aalam e khuwab rang tha main

Hathon se kuch apne doston k
wo phool parre k sang tha main

Guzri hui raat ki kahani
wo shama thi aur patang tha main

Phir dehar pe kyon na phail jata
qamat pe jab apne tang tha main

Tarsi hui rooh per zameen ki
barsi hui ek umang tha main

Aay mausam e zaat tu batana
insaan ki kesi jung tha main


Obaidullaa Aleem
(1974)