Phir aaina-e-aalam shayad k nikhar jaaye

Phir aaina-e-aalam shayad k nikhar jaaye
phir apni nazar shayad ta_hadd-e-nazar jaaye

sehra pe lage pahre aur kufl paDe ban par
ab shahr_badar hokar, diiwaana kidhar jaaye

khaak-e-rah-e-jaanaN par kuchh khuN tha gira apna
is fasl meN mumkin hai ye qarz utar jaaye

dekh aayeN chalo ham bhi jis bazm meN sunte haiN
jo khanda_ba_lab aaye wo khaak_ba_sar jaaye

ya khauf se dar guzreN, ya jaaN se guzar jaayeN
marna hai k jeena hai ik baat thahar jaaye

Faiz Ahmad Faiz