Sans ruktay hi mata'a e raigaan hojaye gi

Sans ruktay hi mata'a e raigaan hojaye gi
roh chorre gi badan to be aman hojaye gi

Naach uthen gi lahu mein phir junon ki wehshaten
aur yehi dewangi phir harz e jaan hojaye gi

Titliyon sa khuwab meri aankh se kehne laga
dekh lena dhoop ek din saibaan hojaye gi

Zabt karne per bhi gar tapken ge aansoo aankh se
chand lafzon ki kahani dastaan hojaye gi

Kia sitare hath per mahtaab rakh dain ge mere?
kia meri taqdeer itni meharbaan hojaye gi

HUMAIRA RAHAT