Sitaron sa muqaddar mangti hon

Sitaron sa muqaddar mangti hon
main aaine se pathar mangti hon

Bicharne ki aziyat seh chuki hon
koi ghum is se barh kar mangti hon

Jahan per sang hain hathon mein sab k
wahan sheshe ka ek gher mangti hon

Azal se piyas hai taqder meri
main sehra hon samandar mangti hon

Urranen sal'b kar leen jis ne meri
usi sayyaad se par mangti hon

Jo benai ki had se maavra ho
wohi nadeedah manzar mangti hon

HUMAIRA RAHAT