Aaj mere aizaaz mein us ne kiya acha saman kia
gher mein barf k phool sajaye suraj ko mehman kia
mehfil mein dushwar tha un se bolna bhi chup rehna bhi
aankhon mein pehchan rakhi aur lehjay ko anjaan kia
ehal-e-junoon se baat chali to qissa-e-dil k bhed khule
mausum-e-janaan chorr faseel-e-dar ko phir unwan kia
mehfil mein her eik se hans kar baaten karne wale ne
eik nazar hum per bhi daali itna to ehsaan kia
kitni gharriyan gin gin kaatin kitne mausum beet gaye
dil ka dard na thehra pal bhar laakh kisi ka dheyan kia
Hijaab Abbaasi
Comments
Post a Comment