Ab kya bataun main tere milne se kya mila

Ab kya bataun main tere milne se kya mila 
Irfan e gham hua mujhe dil ka pata mila 

Jab dur tak na koi fakir ashna mila 
Tera niyaz mand tere dar se ja mila 

Manzil mili murad mili mudda`a mila 
Sab kuch mujhe mila jo tera naqsh e pa mila 

Ya zakhm e dil ko chir ke sine se phenk de 
Ya aitaraaf kar ki nishan e wafa mila

'Seemab' ko shagufta na dekha tamam umr
Kam'bakht jab mila hamain kam ashna mila

Seemab Akbarabadi