Likha hai hazrat Saadi ne eik hikayat mein

Likha hai hazrat Saadi ne eik hikayat mein
"parra damishq mein eik baar is bala ka qehat
wahan k ehal-e-wafa ishq tak bhula bethay
hisaar-e-halqa-e-bechehargi mein ja bethay"
nahi wo qehat ka aalam humari duniya mein
bohat se log hain nalaan agarcha "hissay" per
kahin ziada kahin kam sahi magar phir bhi
hai rizq sab ko mayassar zameen ka takhte per
to phir ye kaise hua aaj bhi zamane mein
saroor-e-ishq ko khalqat bhula bethi hai
her eik rah pe kaase sajaye bethi hai
jo hote hazrat saadi to ab wo yun likhte
"damishq waqt mein ab k ajeeb qehat parra
k ishq bhoolne wale dua bhi bhool gaye
dilon se ghum hua rukhsat to sharam aankhon se
k khud mein gum hue aesay' khuda bhi bhool gaye"

Amjad Islam Amjad