Wo saawan jis mein zulfon ki ghata chhaayi nahin hoti

Woh Sawan Jis Main Zulfon Ki Ghata Chhaai Nahi Hoti
Jo Barse Bhi To Sairab apni tanhaai nahi hoti

Janab-e-Ishq Karte Hain Karam Kuch Khaas Logon Par
Har Insaa.n K Muqadar Main To Ruswaai Nahin Hoti

Samundar Pur Sakun Hai Is Liye Gehra Bhi Hai Warna
Machalti Nadion Main Koi Gehrai Nahi Hoti

Kabhi Chehray Badal Karr Bhi Yahan Kuch Log Aatay Hain
Kabhi Kuch dekhhti Ankhon Mein Baenaai Nahin Hoti

Qateel Aksar Yeh Dekha Hai Kisi Muflis K Aangan Main
Barat Aye To Us K Saath Shehnai Nahi Hoti

Qateel Us Shakhs Ka Kya Wasta Mere Qabeelay Se
Wafa K jurm Mein Jis ne Saza Paayi Nahi Hoti

Qateel Shifai

(Ye Ghazal Janaab Rahman Ali Batt ne Whatsapp ke zariye hume.n Gujranwala,Pakistan se bheji hai. Shukriya)