is taraf se guzre the kaafile bahaaroN ke

is taraf se guzre the kaafile bahaaroN ke
aaj tak sulagte hain, zakhm rahguzaaroN ke

khalwatoN ke shaidaai, khalwatoN mein khulte hain
hum se poochhkar dekho, raaz pardadaaroN ke

pahle hans ke milte hain, phir nazar churaate hain,
aashnaa sift hain log, ajnabi dayaaroN ke

shuGal-e-mai parasti go, jashn e naamuraadi thaa
yooN bhi kaT gaye kuch din, tere sogwaaroN ke

Saahir Ludhiyaanwi