qafas se thokreN khaati nazar jis naKhl tak pahunchi

qafas se thokreN khaati nazar jis naKhl tak pahunchi
usi par, le ke ik tinkaa, binaaye aashiyaaN rakh di

sukoon e dil nahin jis waqt se is bazm mein aaye
zaraa sii cheez ghabraahaT mein kya jaane kahaaN rakh di

buraa ho us muhabbat kaa hue barbaad ghar laakhoN
wahin se aag lag utthi ye chingaai jahaaN rakh di

kiyaa phir tumne rotaa dekhkar deedaar kaa waada
phir ik bahte hue paani mein buniyaad e makaaN rakh di

dar e dil "aarzoo" darwaazaye kaabaa se behtar thaa
aye, o gHaflat ke maare! tune peshaani kahaaN rakh di

Aarzoo Lucknowi